برگزاری جلسهٔ کمیتهٔ نظارت از تطبیق پلان استراتیژیک پوهنتون فاریاب؛
امروز ۱۴۴۷/۵/۲۴ هـ.ق مطابق با ۱۴۰۴/۸/۲۴ هـ.ش جلسهٔ کمیتهٔ نظارت از تطبیق پلان استراتیژیک پوهنتون فاریاب تحت رهبری محترم پوهندوی عزیزالرحمن حقیار معاون امور علمی، با حضور اعضای کمیته در دفتر کار این معاونیت برگزار گردید.
جلسه با تلاوت چند آیه از کلام‌الله مجید آغاز شد.
نخست، محترم پوهندوی عزیزالرحمن حقیار ضمن عرض خوش‌آمدید، در مورد تایید پلان استراتیژیک پوهنتون فاریاب توضیح داده افزود که این پلان از سوی مقام محترم وزارت تحصیلات عالی مورد تأیید قرار گرفته و لازم است برنامه، و سیمینار های آگاهی‌دهی برای اساتید، کارمندان و محصلان در رابطه به این پلان تدویر یابد.
متعاقباً، اعضای جلسه به نوبت نظریات و پیشنهادات خویش را مطابق آجندا مطرح نمودند و در پایان، فیصلات لازم اتخاذ گردید.
جلسه با دعائیهٔ خیر اختتام یافت.
مدیریت نشرات و آگاهی عامه